Tentativë për grusht shteti, arrestohet Presidenti? Çfarë po ndodh

Njoftime kontradiktore raportohen nga ajo se çfarë po ndodh në Guine, ku duket se ka një përpjekje për grusht shteti.

Forcat e armatosura deklarojnë se kanë arrestuar presidentin, por Ministria e Mbrojtjes i ka mohuar raportimet.

Ushtarët që organizuan kryengritjen në kryeqytetin e Guinesë të dielën thanë në një transmetim të shkurtër në televizionin shtetëror se ata kanë marrë kontrollin e shtetit të Afrikës Perëndimore.

Megjithatë, Ministria e Mbrojtjes tha se një sulm ndaj pallatit presidencial nga forcat kryengritëse ishte ndalur.

Një ushtar i paidentifikuar, i veshur me flamurin kombëtar të Guinesë dhe i rrethuar nga tetë ushtarë të tjerë të armatosur, tha në transmetim se ata kishin në plan të formonin një qeveri kalimtare dhe do të jepnin detaje të tjera më vonë. Ushtari foli pasi videot e shpërndara në mediat sociale treguan Presidentin Alpha Conde të rrethuar në një dhomë nga forcat speciale të ushtrisë.

Ministria e Mbrojtjes siguroi se kryengritja ishte bllokuar. “Garda presidenciale, e mbështetur nga forcat besnike të mbrojtjes dhe sigurisë i zmbrapsi” thuhej në një deklaratë. “Operacioni po vazhdon për të rivendosur rendin dhe paqen”.

LEXO EDHE  Mutacioni “Delta” dhe fëmijët, sa i madh është rreziku?