Po transportote me furgon 20 klandestinë, drejtuesi i furgonit i lë “targën” policisë

Drejtuesi i një automjeti tip furgon është shpallur në kërkim policor pasi dyshohet se po transportonte 20 emigrantë të paligjshëm. Drejtuesi i mjetit, i identifikuar nga policia, ka braktsur mjetin dhe ka ikur me vrap, në momentin që ka parë një postobllok policie.

LEXO EDHE  Berisha u përjashtua për një vizë që i mungon Bashës? Noka: Kryetari i PD po shantazhon drejtuesit e degëve

Ngjarja ka ndodhur në afërsi të fshatit Drenovë, në Qarkun e Korçës, ndërsa Policia ka shoqëruar në Komisariat për t´i marrë deklarimet 20 klandestinëve.

Nga raportimet mësohet se klandestinët po transportoheshin për t´i nxjerrë jashtë Shqipërisë.