Ndeshjet e sotme në kualifikueset e Katar 2022 për zonën e Europës, kanë sjellë barazimin e dytë radhazi të përfaqësueses së Francës. Kampionët e Botës në fuqi këtë herë janë ndalur nga Ukraina, ndaj të cilës u desh një gol i shpejtë i Marsial në fillimin e pjesës së dytë për të vulosur barazimin 1-1 pas golit të Shaparenko për vendasit.
Skuadra e Deshamp vazhdon të jetë në vendin e parë, por nuk është më e paarritshme dhe nëse Finlanda i merr pikë në ndeshjet direkte, kualifikimi nuk është më aq i sigurt.
Lufta më e ndezur është padyshim në Grupin G ku bën pjesë Holanda. Kjo e fundit ka mundur 4-0 Malin e Zi, ndërsa sheh veten në ndjekje të Turqisë, e cila mposhti Gjibraltarin 3-0. Po aq pikë sa holandezët ka edhe Norvegjia e Haland që ka pretendime të mëdha në këtë edicion.
Ndërkohë, Danimarka në Grupin F ka mundur me vështirësi Ishujt Faroe, vetëm 1-0, por që i ka mjaftuar për të siguruar fitoren e 5-të në po aq ndeshje të luajtura, duke vazhduar të udhëheqë e vetme garën.
Rezultatet e mbrëmjes:
