U qëllua sapo zbriti nga makina, zbardhen detaje nga plagosja e ish-kreut të PS

Ish-kryetari i Partisë Socialiste në Vaun e Dejës, Nikolin Huba, është plagosur me armë zjarri mëngjesin e sotëm në Shkodër, në afërsi të Shkollës Pyjore.

Nga raportimet mësohet se 54-vjeçari është qëlluar me armë zjarri pistoletë dy herë në këmbë teksa ndodhej jashtë makinës dhe ndodhet në spital jashtë rrezikut për jetën.

LEXO EDHE  “I babëzitur”/ Ish-ministri socialist shpërthen ndaj Ahmetajt: Nxjerrja në pension e të babëziturve, detyrë e SPAK

Policia thotë se po vijon krehja e zonës për kapjen e autorit. Nuk dihet nëse Huba ka pasur konflikte të mëparshme.

Aktualisht, 54-vjeçari Huba është delegat i PS si dhe punonjës në Hidrocentralin e Komanit, ndërsa bashkëshortja e tij anëtare e Këshillit Bashkiak të Vaut të Dejës.