Gjatë një aksioni të policisë italiane është arrestuar një 40-vjeçar shqiptar, pasi u kap me një sasi prej 60 kg kanabis.
Operacioni u zhvillua në Arezzo, ku karabinierët ishin duke zhvilluar patrullimin e përditshëm.
Nga raportimet e mediave, policia vuri re makinën e shqiptarit, ku ky i fundit bëri disa lëvizje të dyshimta.
40-vjeçari është parë nga policia që të hidhte nga xhami i makinës një kuti kartoni, brenda së cilës u gjet 5 kg kanabis.
Kjo nuk mjaftoi për policinë italiane, e cila vendosi të zhvillonte kontrolle të tjera, në një magazinë e cila administrohej nga shqiptari.
Nga kontrollet policia arriti që të zbulonte në një zyrë disa çanta me drogë, me peshë 55 kg.
Sipas specialistëve, lënda narkotike do të hidhej në treg, ajo kapte vlerën e 500 mijë eurove.
Ndërkohë shqiptari u arrestua dhe iu dorëzua autoriteteve të drejtësisë.
