Ndërkohë që vendet e varfra përballen me mungesë dozash, vendet e pasura kanë siguruar qindra milionë vaksina kundër covid , për të cilat nuk kanë nevojë ose që nuk do të mund t’i përdorin.
Shtete si SHBA-ja, Kanadaja, Gjermania, Izraeli, Lituania, Polonia dhe Rumania kanë hedhur në kosh sasi të jashtëzakonshme vaksinash, të cilave u kishte kaluar afati i skandecës.
Mjeku Ilir Alihmehmeti ka publikuar një studim, ku sipas tij, brenda vitit 2022 vetem në 10 shtetet më te pasura do të skadojne mbi 3.8 miliardë vaksina.
Kjo sasi vaksinash do të skadonte edhe sikur të vaksinohen 80% e banoreve mbi 18 vjeç, apo edhe sikur të marrin dozë të tretë të gjithë individet me risk të shtuar.
Me këtë sasi që do të skadojë e papërdorur mund të vaksinoheshin mbi 1.8 miliarde persona, ose 33% e popullates boterore më e madhe se 16 vjeç.
“Pra, për shkak të babëzisë se 10 shteteve më të pasura, 1 ndër 3 persona në botë mbetet pa ofertë vaksine”, shkruan Alimehmeti.
Vështirësitë e dhurimit
Dhurimi i dozave të tepërta nuk është aq i lehtë sa duket. Hezitimi, shqetësimet mbi vaksinën AstraZeneca dhe zvogëlimi i kërkesës së brendshme po ndodhin në shumë vende në të njëjtën kohë. Dhe jetëgjatësia e vogël për dozat e vaksinave të prodhuara nga dhjetori 2020 e tutje, do të thotë që sasi të jashtëzakonshme po arrijnë datën e skadimit.
Vaksinat Pfizer, Moderna, AstraZeneca dhe Janssen (Johnson & Johnson) u hodhën në treg me autorizim për përdorim urgjent deri në gjashtë muaj. Kjo krahasohet me një jetëgjatësi prej dy deri në tre vjet për shumicën e vaksinave dhe ilaçeve të tjera.
Kjo do të thotë se qindra milionë doza vaksine të blera dhe shpërndara tashmë, nëse nuk janë përdorur janë shumë pranë skadencës.
DENONCO