U tha se janë ribashkuar, Nora Istrefi sqaron njëherë e mirë raportin me Robert Berishën

Lajmi se Nora Istrefi u largua me pushime bashkë me vajzën dhe Robert Berishën pushtoi të gjitha mediat. Nga këto pushime, kudo në rrjet nisën të qarkullojnë lajmet se ata po rikuperojnë raportin.

Së fundmi ka reaguar Nora dhe tha se nuk ka ribashkim. Por për hir të vajzës së saj do të kalojë kohë më Robertin.

“Nuk e di sa është e rrugës, të sqarohem për herën e 100-të, por në fakt më shumë më shqetëson mendësia sesa shkrimet për raportet tona me Robertin.

E kam thënë, do ta them, e do vazhdoj të mbroj kauzën që pas çdo ndarje, kur fëmijët janë në mes, lumturia e tyre është primare (hiq anash inatet ballkanike, thashethemet dhe paragjykimet).

Unë do vazhdoj të kaloj kohë me babain e Renees përderisa ajo është e lumtur, ndërsa në raportet tona personale s’ka ndryshuar asgjë, përveç një miqësie korrekte: nuk e di a ju lumturon ky sqarim, por do doja më shumë të jetë informues”, shkroi Nora.