Kryesia e re e PS/ Ja sa vota morën kandidatët! Lista e plotë

Partia Socialiste mblodhi ditën e sotme Asamblenë e saj ku zgjodhi kryesinë e re, e cila do të përbëhet nga 6 gra dhe 6 burra.

Më i votuari nga burrat ishte Ditmir Bushati, i cili mori 204 vota, i ndjekur nga Arben Pëllumbi me 203, Pandeli Majko 198, Armando Subashi 177, Erjon Braçe me 174 vota dhe Ilir Beqja 173.

Ndërkohë që më pak vota nga kandidatët burra ka marrë Ervin Demo, i cili nuk arriti të ishte pjesë e kryesisë ashtu si dhe Fatmir Xhafaj, Pjerin Ndreu dhe Eduart Shalsi.

LEXO EDHE  Rritja e infektimeve/ Mjeku pneumolog: Nuk janë shenja të mira, asnjë vaksinë nuk siguron mbrojtje të gjatë

Sa i përket grave më e votuara ka qenë Belinda Balluku me 207 vota e ndjekur nga Ogerta Manastirliu, Blerina Gjylameti, Evis Kushi, Olta Xhaçka dhe Mimi Kodheli.

Nga numërimi nuk ka mundur të zgjidhen në kryesi: Milva Ikonomi, Almira Gjembulla, Ermonela Fela dhe Klotilda Ferhati.