Ronaldo shkruan historinë/ 111 gola me Portugalinë, golashënuesi më i mirë me kombëtaret

Cristiano Ronaldo vendos një tjetër rekord. Falë dy golave ​​të shënuar “in extremis” kundër Irlandës, ylli portugez u ngjit në kuotën e 111 golave me fanellën e kombëtares së tij, duke parakaluar rekordmenin e disa dekadave në këtë aspekt, iranianin Ali Daei.

Pra, 36-vjeçari bëhet kësisoji golashënuesi më i mirë në histori, me kombëtaret. CR7 e pati barazuar Ali Daei më 23 qershor, falë golit të shënuar kundër Francës në “Euro 2020”.

Pasi nuk arriti të kalojë në 1/8 finale të Kampionatit Europian të kësaj vere (u eliminua ndaj Belgjikës, me humbjen 1-0), Ronaldo shkroi një faqe tjetër të historisë në shansin e dytë, mbrëmë kundër Irlandësm në kualifikuesen e “Katar 2022”.

LEXO EDHE  Bundesliga/ Leipzig fiton me goleadë ndaj Herthës, humbet Wolfsburg

Pas largimit nga Juventusi, portugezi po përgatitet në mënyrën më të mirë të mundshme për kthimin te Manchester United. Cristiano e përshëndeti zyrtarisht klubin bardhezi të martën për t’u kthyer te “Djajtë e Kuq” 12 vite pas lamtumirës që atje, për të veshur pastaj fanellën e Real Madridit.