Lefter Koka njoftoi sot se do të dorëzonte mandatin e deputetit. Nga 25 prilli, kohë kur u zhvilluan zgjedhjet parlamentare, 5 deputetë kanë deklaruar dorëzimin e mandateve, mes të cilëve edhe Mark Marku i PD.
Koka, ndoshta nuk është i fundit, mes personave që u kandiduan dhe fituan mandatin, që mund t´a dorëzojnë atë përpara se Kuvendi të nisë punimet në legjislaturën e re.
Deri më tani kanë dorëzuar mandatet Tom Doshi, Gramoz Ruçi, Lefter Koka dhe Najada Çomo nga e majta, si dhe Mark Marku nga Partia Demokratike.
Ndërkohë, mjekja e njohur Anika Dokle në një postim në rrjetet sociale ka ironizuar valën e dorëheqjeve, që në të shumtën e rasteve duket se janë akte të ndërmarra nën presion.
“Dorëheqja ishte ndër të paktat akte që kishte mbetur pa u zhvlerësuar,” shkruan mjekja e njohur.
