Partnerja e Olsi Bylykut, këngëtarja Egli Tako, vendosi që ditën e djeshme të realizonte një mini-intervistë me ndjekësit e saj duke iu përgjigjur të gjitha pyetjeve që ata kishin.
Egli dhe aktori i humorit, Olsi, kanë më shumë se tre vite e gjysmë bashkë e sigurisht që pyetjet në lidhje me çiftin nuk kishin si të mungonin.
Një ndjekës e pyet: “A e keni bërë dasmën, apo jeni akoma të fejuar (lidhur)?”. Tako shkroi: “Mendon se s’do e kishit marrë vesh nëse do kishim bërë dasmë?! Jemi ende vetëm të dashuruar”, duke zbuluar se nëse një ditë dyshja do të martohet, atëherë ata do të zhvillojnë një ceremoni madhështore, të cilën do të mund ta shohin të gjithë.
Ndër të tjera, gjatë bisedës Egli ka treguar se ka edhe marrëdhënie të shkëlqyera jo vetëm me prindërit e Olsit, pra me vjehrrën dhe vjehrrin, por edhe me kunatën e saj, për të cilën shprehet se e ka “si dritë”. Ajo zbuloi gjithashtu se i pëlqen t’i “thërrasë në emra përkëdhelës” prindërit e Olsit.
Gjatë këtij viti, Tako zbuloi se ka kaluar një periudhë të vështirë, pasi i është dashur të përballet me ankth dhe atak paniku.
“Si ia dole ta mposhtësh ankthin? A je ka dalë plotësisht?”, e pyeti dikush.
“Duke e pranuar, duke bërë terapi, duke i thënë vetes që do kalojë. Por edhe medikamente për një kohë të shkurtër me recetë mjekësore. Që të kalojë plotësisht do kohën e vet, nuk është një periudhë e prerë me thikë. Thjesht vjen e zbehet derisa mësohesh të jesh aktiv, e kupton se më e keqja ka kaluar. Jam në përmirësim”, u përgjigj regjisorja.
