Anëtari i Kryesisë së PD-së Aldo Bumçi, në një intervistë në Syri Tv, foli për zhvillimet brenda Partisë Demokratike.
Bumçi thekson se Rama ka shkatërruar çdo institucion në vend, duke shtuar se duhet çmontuar partia-shtet.
“Marrëveshja e 2008 nuk rrënoi vendin. Nuk ka asnjë marrëveshje PS-PD. Rama ka shkatërruar çdo institucion në vend. Reforma territoriale është e dështuar, sepse harxhohen më shumë para në këtë formë. Rama më 2021 manipuloi zgjedhjet. Këtu kemi parti-shtet, ne kemi përballë policinë, doganë, institucione, patronazhistë. Duhet të çmontojmë partinë-shtet.
PD mori mbi 650 mijë vota, edhe pse kishte përballë partinë dhe shtetin e gjithë arsenalin që kanë mbrapa. Zgjedhjet e 25 prillit ishin jo të lira e demokracia është rrënuar në vend, nuk ekziston. Në zgjedhje nuk kishte liri në votim. Shqipëria është në momente kritike. Basha ka plan për të shëndoshur demokracinë. Basha duhet t’ju prijë 650 mijë votuesve të PD-së, mbi 108 mijë votuesve të LSI-së dhe gjithë opozitarët që janë shumë, për të arritur fitore. Nëse do të bëjmë këto sfida, do të korrim rezultat me sukses, me fitore edhe në jug”, tha Bumçi.
Aldo Bumçi vlerëson se Berisha ka lënë trashëgiminë më të mirë dhe PD është krenar për arritjet e ish-kryeministrit.
“Berisha dhe PD nuk distancohen dot. PD është më e madhe se një individ, por se historia pas 1990 është më e bukura. Ka pasur probleme, por arritjet kanë qenë shumë të mëdha. Berisha e la Shqipërinë më 2013 në momentin më të mirë, janë ndëruar rrugë, u futëm në NATO, u bë Rruga e Kombit, vend me liri dhe respektim të të drejtave të njeriut, pavarësia e Kosovës. Ishte vend që po maturohej, Kushtetuesja kufizonte qeverisjen. Kjo është historia më e mirë e jona, nga se do distancohemi. Berisha nuk e ka penguar Bashën që të ndërtojë një PD më të mirë. E kaluara e PD-së është aset dhe vlerë e nuk ka vend për distancim”, u shpreh Bumçi.
