Gjykata e Dibrës e ka vlerësuar të ligjshëm arrestimin e Alfred Debreshit dhe ka vendosur caktimin e masës së sigurisë “Arrest me burg” ndaj tij, në përputhje me kërkesën e prokurorisë.
Alfred Debreshi akuzohet për veprat penale “Shkatërrimi i pronës me eksploziv”; “Mbajtja pa leje e lëndëve plasëse” dhe Deklarim i rremë para oficerit të policisë gjyqësore”.
Sipas policisë, ishte pikërisht ai i cili vendosi lëndë plasëse në automjetin e të vëllait Elton Debreshi – minator, sindikalistit dhe ish-kandidatit për deputet. Shpërthimi në automjetin tip “Benz” të Elton Debreshit ndodhi rreth mesnatës së të Premtes, së javës së kaluar.
Referuar raportimeve mediatike, ngjarja mund të ketë ndodhur për ta përdorur për marrjen e azilit.
