Zyrtare/ Bayern Munich realizon goditjen e fundit në merkato

Merkato e përforcimeve për Bayernin e Mynihut mbyllet sot. Kampionët e Gjermanisë në fuqi bën zyrtare goditjen e radhës në merkato dhe të fundit që bëhet për të përforcuar skuadrën.

Bëhet fjalë për Marcel Sabitzer, kapitenin e Leipzig të cilin trajneri Nagelsmann e njeh mirë dhe kishte kërkuar emrin e tij për të përforcuar skuadrën.

Mesfushori austriak ishte në vitin e fundit të merkatos dhe Leipzig mund ta humbiste pa asnjë përfitim sezonin e ardhshëm ndaj dhe pranoi ofertën 15 mln Euro +1 mln Euro të tjera bonus për kartonin e lojtarit.

LEXO EDHE  Coman rikthehet në stërvitje

Sabitzer firmosi një kontratë deri në vitin 2025 me kampionët e Gjermanisë dhe ishin këta i vetmi ekip që ai dëshironte pasi ka patur oferta edhe nga Milan e Man. United.

Klubi bavarez pas njoftimit zyrtar, publikoi edhe videon e prezantimit, tepër të veçantë për mesfushorin austriak.