Cristiano Ronaldo rikthehet zyrtarisht te Manchester United. Bomberi portugez përfundoi me sukses nga Lisbona vizitat mjekësore dhe ka firmosur për 2 vite me klubin në të cilin u mori hovin më të madh të karrierës.
Në fillim nuk kishte asnjë ofertë konkrete por me insistimin e agjentit nisën tratativat me një numër të vogël klubesh dhe tashmë 36 vjeçari ka një shtëpi të re.
“Djajtë e Kuq” duket të jenë zgjedhja perfekte për portugezin, jo vetëm për të kaluarën dhe lidhjen me tifozët por edhe për shumën që do të përfitojë në Manchester. Ish-sulmuesi i Juventus do të marrë dicka më pak se 29 milion euro në sezon, pak a shumë sa të ardhurat që siguronte në Torino.
Me këto shifra, Cristiano Ronaldo kthehet në futbollistin më të paguar të Premier League duke kaluar madje me diferencë të madhe Kevin De Bryjn. Menjëherë pas firmës klubi ka nisur procedurat vizën e futbollistit në mënyrë që të jetë i gatshëm që në ndeshjen e rradhës kundër Newcastle.
Ronaldo do të kthehet kështu në Manchetser pas 12 vitesh, me Ole Gunnar Solskajer jo më si shok skuadre por si njeriun nga i cili do të udhëzohet në fushë.
