Veprimet makabre të talebanëve nuk po ndalen, duke thyer premtimin e dhënë në çdo ditë që kalon. “The Guardian” shkruan se ka mbetur i vrarë një këngëtar i muzikës popullore në Afganistan.
Mësohet se Fawad Andarabi u vra nga talebanët në shtëpinë e tyre, ndërsa shkaku nuk dihet. Lajmin e rëndë e bëri me dije ish-ministri i Brendshëm afgan, Masoud Andarabi.
Ai tha se pavarësisht veprimeve të ashpra të talebanëve, nuk do të ndalemi.
“Vrasje brutale në Andarab, në pjesën jugore të provincës Baghlan. Këngëtari u mor nga shtëpia e tij dhe u vra nga talebanët. Ne nuk do të përulemi para brutalitetit të tyre”, shkruan Andarabi.
Kujtojmë se talebanët dy javë më parë premtuan se nuk do ketë luftë dhe qëllimi i tyre është që të vendosin paqe në shtetin e tyre. Por këtë premtim ata e thynë që në ditët e para.
