Duket se nuk është e thënë që Kylian Mbappe të firmosë me Real Madrid këtë verë. Florentino Perez po bën çmendurira për të bindur Parisin, por duket se është e pamundur.
Oferta e fundit zyrtare për Mbappe është 180 milionë euro, teksa sot është folur për një ofertë tjetër prej 200 milionësh, megjithëse kjo ofertë është e pakonfirmuar.
Pas shumë ultimatumesh të Real Madridit, PSG sërish nuk është përgjigjur ndaj ofertave të Real Madrid dhe drejtuesve të klubit spanjoll i është sosur durimi.
Sky Sport raporton se Real Madrid është tërhequr tërësisht nga operacioni. Ata do të presin janarin për të firmour parakontratë me Mbappe dhe për ta bërë të tyrin falas më pas në verë.
