Një person është arrestuar nga policia e Fierit për veprën penale “Mbajtja pa leje e armëve dhe municionit luftarak”.
Burime zyrtare bënë me dije se në bazë të informacioneve të mara në rrugë policore, arrestuan në flagrancë shtetasin Artur Muka(Plaku), 44 vjeç, banues në Fier.
Gjatë kontrollit të automjetit tip “Citroen” në pronësi të shtetasit Artur Muka (Plaku), në lagjen “1 Maji”, u gjetën të fshehur në kofano një armë zjarri automatik dhe një krëhër me 30 fishekë, të cilat u sekuestruan në cilësinë e provës materiale, shtuan të njëjtat burime.
