Sulmet terroriste të ISIS në aeroportin e Kabulit vijojnë, ndërsa mësohet që ka shkuar në 90 numri i viktimave, dhe janë plagosur 150 të tjerë.
Mësohet se në mesin e viktimave janë 13 ushtarë amerikanë dhe kjo ka marrë reagimin e menjëhershëm të presidentit Joe Biden.
Ai tha se do hakmarret ndaj sulmuesve, që sipas tij, do ndiqen këmba këmbës.
Kujtojmë se disa ditë më parë, Biden tha se nëse do shënohet vetëm një sulm i vetëm kundër ushtarëve amerikanë, do ketë luftë.
Evakuimi i civilëve tani është përshpejtuar pas sulmeve, ndërsa SHBA ka paralajmëruar për të tjera sulme me raketa apo bomba që synojnë aeroportin e Kabulit.
