Katër viktima janë konfirmuar nga aksidenti i ndodhur këtë të Enjte në rrugën nacionale Gjirokastër-Sarandë, në vendin e quajtur Muzinë.
Policia bëri me dije se rreth orës 15:30, mjeti tip “Land Rover” me drejtuese shtetasen R.Ç. është përplasur me mjetin tip furgon me drejtues shtetasin B. P.
Si pasojë e përplasjes, furgoni ka dalë nga rruga dhe ka përfunduar disa metra poshtë rrugës.
Për pasojë kanë humbur jetën 4 persona, të cilët ndodheshin në furgon.
Në vendngjarje, ndodhet grupi hetimor dhe po punon për zbardhjen e shkaqeve të aksidentit.
