Mjeku Arban Domi, drejtor i zhvillimit të vaksinave Geovax në SHBA, duke folur gjatë Edicioni të Pasdites në SYRI TV është shprehur se situata e Covid në Shqipëri ishte e pritshme.
Domi është shprehur se numri i rritur i rasteve me Covid ka ardhur si shkak i hyrjes së pakontrolluar të njerëzve në Shqipëri.
‘Jam në të njëjtin mendim, faktikisht realiteti jo vetëm në Shqipëri, por edhe në vende të tjera, si psh; Britaninë e madhe ku numri i të vaksinuarve ka qenë më i lartë.
Për mua nuk kanë rëndësi numrat e infektuarve, por sa e rëndë është situata e infektimit. Në Shqipëri dhe në Britaninë e madhe situata e spitaleve është shumë e ulët, ashtu dhe në Britani.
Delta në Shqipëri do të hynte, por jam i bindur që rritja e numrave në Shqipëri është e importuar. Shumë specialistë dhe ekspertë dhanë mendimet e tyre për periudhën e verës që të ishim të hapur, por duhej të kishin dy elementë; duhej që personat që hynin nga shtetet e tyre të bënin një test PCR apo provë vaksinimi apo që e kaluar, që në Shqipëri nuk u bë dhe e dyta, duhej që të kishte pika testimesh masive pranë pikave hyrëse në Shqipëri dhe në vendet ku pushohet pasivisht. Kjo që në Shqipëri nuk u bë asnjëherë.
Siç dini ka pasur një ardhje masive turistësh shqiptarë apo jo, dhe futja e numrit të madh të njerëzve në Shqipëri në mënyrë të pakontrolluar ka bërë që të rriten numrat.
Tek 80-90 % është varianti Delta, ai që po infekton shqiptarët’, është shprehur Arban Domi.
