Një detaj i ri është bërë publik nga policia e shtetit në lidhje me aksidentin tragjik të ndodhur në aksin Korçë-Kapshticë, ku mbeti i vdekur një person.
Sipas raportimeve, një automjet ka goditur një motor në afërsi të fshatit Cangonj, ku për pasojë ka humbur jetën drejtuesi i motorit.
Policia ka mbërritur në vendngjarje dhe ka nisur hetimet për zbardhjen e plotë të shkaqeve.
Adi Koçileri është drejtuesi i makinës që përplasi drejtuesin e motoçikletës.
Devoll/ Informacion paraprak
Më datë 24.08.2021, rreth orës 18:30, jemi njoftuar se në aksin rrugor Bilisht-Korçë, në afërsi të fshatit Cangonj, shtetasi A. K., 30 vjeç, duke drejtuar mjetin tip “Benz”, ka aksidentuar drejtuesin e një motoçiklete (ende i paidentifikuar) i cili për pasojë ka ndërruar jetë.
Me drejtuesin e mjetit, shtetasin A. K., po kryhen veprimet e mëtejshme procedurale.
Grupi hetimor po punon për identifikimin e viktimës dhe zbardhjen e rrethanave të aksidentit.
