Klubet në pesë ligat kryesore evropiane kanë humbur 2.5 miliardë euro të ardhura “në ditën e ndeshjeve” në dy sezonet e fundit për shkak të mbylljes së shkaktuar nga pandemia e koronavirusit, sipas një studimi të kompanisë audituese KPMG.
Kështu, që nga pranvera e vitit të kaluar, kompeticionet u pezulluan për një kohë, dhe ato kampionate që vazhduan luajtën para tribunave bosh, kështu që numri i ndeshjeve me publik në sezonin 2019/20 u ul me 27%.
Rezultatet e studimit tregojnë se kjo çoi në një rënie të konsiderueshme, nga rreth 500 milionë euro të ardhura në ditën e ndeshjes (bileta, sponsorë, tregti, hotelieri), deri në 1.9 miliardë euro.
Rënia u ndje më së shumti në Bundesliga, e cila ka numrin më të lartë mesatar të shikuesve për ndeshje në botë (42,000) dhe që regjistroi një humbje prej 157 milionë eurosh, ndërsa Ligue 1 humbi tre herë më pak (48 milionë euro).
Nga klubet, Barcelona dhe Real Madrid humbën më së shumti, përkatësisht me 39 dhe 35 milionë euro.
Për sezonin 2020/21 KPMG pret një humbje prej më shumë se 2 miliardë euro për këtë vit fiskal, dhe firma e auditimit beson se sezoni që sapo ka nisur do të ofrojë vetëm një kthim të pjesshëm të këtyre humbjeve.
Kujtojmë, kuadri i masave ndryshon nga vendi në vend, kështu që Anglia lejon stadiume me kapacitet të plotë, ndërsa Spanja lejon vetëm 40%, dhe Serie A italiane 50 %.
