Një adoleshente kosovare në moshën 16 vjeçare ka lindur një fëmijë në Spitalin Rajonal të Pejës , duke vënë në lëvizje policinë në Kosovë. Policia ka marrë në pyetje babanë e foshnjës, ndërkohë që vetë vajza ka shprehur se para një viti është martuar.
“Pejë 21.08.2021 – 22:30. Është raportuar se viktima femër kosovare në spitalin rajonal Pejë kishte lindur një fëmijë. Njësiti policor është marr me rastin, ku viktima ka deklaruar se para një viti ishte martuar me të dyshuarin mashkull kosovar. Me urdhër të prokurorit i dyshuari pas intervistimit është liruar në procedurë të rregullt”, thuhet në deklaratën e policisë.
Martesat nën moshën 18-vjeçare janë të paligjshme në vend, por kjo nuk e ka penguar çiftin që të bashkëjetojnë dhe të krijojnë familjen e tyre.
