Një ditë më parë, dy trupa të djegur janë gjetur në Grimaud të Varit, Francë, ndërsa vendi prej ditësh po përballej me zjarrin. Mediat vendase shkruajnë se ata u gjetën në një shtëpi e cila u përfshi nga flokët, pa pasur mundësi që të shpëtonin.
Viktimat janë një burrë, 55-vjeç, i cili u përpoq të shua te zjarret me zorrën e ujit, por ato përparuan aq shumë sa i shkaktuan atij vdekjen. E vdekur mbeti edhe një turiste parisiene 32-vjeçare e cila u shpall e zhdukur të hënën. Kur shpërtheu zjarri, e reja u përpoq të ikte nga zona, ndërsa u strehua në shtëpinë e Olivier.
Zjarri që shpërtheu të hënën në rajonin Var në jug të Francës sot është vendosur nën kontroll, por flakët nuk janë shuar ende plotësisht. 7 zjarrfikës janë lënduar duke luftuar me flakët, ndërsa 19 qytetarë patën problem me frymëmarrjen nga tymi.
Më shumë se 8 hektarë tokë u dogjën nga zjarri, ndërkohë u angazhuan rreth 1.200 zjarrfikës dhe ndërhyrje me avionë e helikopterë. Për shkak të zjarrit u evakuuan rreth 10 mijë njerëz dhe shumë zona kampingu në brigjet e Var./TCH
