Deklaratat e ish-senatorit të ndjerë John McCain në vitin 2014, se Sekretari aktual i Shtetit Antony Blinken është “i rrezikshëm për Amerikën”, u risollën në vëmendje pas tërheqjes së trupave amerikane nga Afganistani.
Komentet e senatorit vijnë nga fjalimi i tij opozitar kundër nominimit të Blinken për të qenë zëvendëssekretar shteti nën ish-Presidentin Obama.
“Unë ngrihem për të diskutuar kundërshtimin tim ndaj votimit në pritje në lidhje me z. Antony ‘Tony’ Blinken, i cili jo vetëm që nuk është i kualifikuar, por, në fakt, sipas mendimit tim, është një nga përzgjedhjet më të këqija të një shorti shumë të keq që ka zgjedhur ky president”, shprehet “McCain për Blinken, i cili përfundimisht u konfirmua në post në vitin 2015.
In 2014, John McCain warned the world about Antony Blinken. He was right. pic.twitter.com/2zfI8eXPIK
— Ian Miles Cheong @ stillgray.substack.com (@stillgray) August 17, 2021
McCain paralajmëroi se Blinken ishte një rrezik për kombin dhe anëtarët e shërbimit të tij.
“Në këtë rast, ky individ ka qenë në të vërtetë i rrezikshëm për Amerikën dhe për të rinjtë dhe të rejat që po luftojnë dhe i shërbejnë asaj,” tha McCain.
“Le të rishikojmë disa elementë në veçanti dhe rolin e zotit Blinken,” tha McCain.
Senatori vuri në dukje se politika e jashtme amerikane në atë kohë ishte në “rrëmujë”.
Ai gjithashtu fajësoi Blinken për pretendimin e tij se lufta në Afganistan do të përfundonte deri në vitin 2014, me Blinken që pretendonte se afati i konfliktit “nuk do të ndryshonte”.
“Kjo është arsyeja pse unë jam kaq i shqetësuar që ai të jetë në pozicionin që ai është,” vazhdoi McCain, “sepse nëse ata i përmbahen këtij afati, unë po u them kolegëve të mi se do të shohim një përsëritje të Irakut përsëri.”
Administrata e Biden është në qendër të një uragani pyetjesh dhe polemikash rreth tërheqjes së trupave të tyre nga Afganistanilëvizte që solli marrjen e kontrollit të Afganistanit nga talebanët.
Mijëra qytetarë amerikanë mbetën të bllokuar në Afganistan me administratën e Bidenit që po përpiqej t’i nxirrte ata jashtë vendit, raporton “Fox News”.
Sekretari i Mbrojtjes Lloyd Austin dhe Kryetari i Përgjithshëm i Shtabit Gjeneral Mark Milley, u zotuan të dy të Mërkurën se do t’i nxjerrin “të gjithë” amerikanët dhe do ti kthejnë në shtëpi.
