Një ngjarje e rëndë është shënuar ditën e djeshme në kryeqytet.
Sipas njoftimit të bërë nga policia, mësohet se një 83-vjeçare ka rënë nga lartësia e katit të katërt dhe për pasojë ka ndërruar jetë.
Më tej në njoftim, thuhet se e moshuara vuante nga probleme të shëndetit mendor.
“Më datë 18.08.2021, në rrugën ‘Idriz Dollaku’, ka rënë nga lartësia e katit të katërt, shtetasja Xh.B., 83 vjeçe, e cila për pasojë ka ndërruar jetë. Nga veprimet e kryera rezulton se kjo shtetase vuante nga probleme të shëndetit mendor”, njofton policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme, shtuan të njëjtat burime.
