“Zbatoni ligjin, po vjedhin 4.2 milion euro nga xhepat tanë, oligarku Pëllumb Salillari në Lumas do të jetë fundi i grabitjeve të tua”.
Me këto mesazhe të shkruara në pankarta, banorët e Lumasit protestuan para bashkisë së Kuçovës.
Prej disa muajsh, banorët kundërshtojnë ndërtimin e ujësjellësit nga kompania Salillari, ndërsa e akuzojnë atë për grabitje.
Banorët e Lumasit thonë se prej projektit të ri po dëmtohet zona e mbrojtur dhe burimi i Sinecit do të shkatërrohet.
“Kanë shkatërruar burimin e pyjet, nuk e meritojmë ne si zonë e mbrojtur”, tha një banor.
Banoret kanë theksuar se ky projekt duhet të ndërpritet se dhe inspektoriati i Mbrojtjes së Territorit për Rajonin me qendër në Elbasan ka kërkuar pezullim të punimeve, por firma po i vazhdon.Ky inspektoriat ka deklaruar se firma Salillari nuk ka pasur leje për zhvillimin e punimeve.
Dhjetëra banorët të fshatit Lumas të Kuçovës kanë protestuar çdo ditë dhe janë përplasur e me policinë.
Madje disa prej tyre hynë dhe në grevë urie të cilën e ndërprenë për shkak se morën informacion se do ndërhyjë specialistët e Inspektorati Kombëtar i Mbrojtjes së Territorit nga Tirana.
