Presidenti amerikan Joe Biden, përmes një konference për media nga Shtëpia e Bardhë, ka folur mbi situatën në Afganistan dhe ardhjen e talebanëve në pushtet.
Biden nuk hoqi dorë nga tërheqja e trupave nga Afganistani dhe bëri me dije se pasi të përfundojnë operacionet e evakuimit do të mbyllet dhe lufta e pakuptimtë 20-vjeçare.
“Edhe sa gjenerata të tjera amerikanësh do të duhet të shkojnë në këtë luftë, sa djem dhe vajza amerikane do të duhet të vdesin për Afganistanin.
Ka probleme në botë të cilat nuk mund t’i zgjidhim. Diplomatët dhe njerëzit që kanë shpenzuar kohën e tyre për Afganistanin kanë qenë të shumtë. Kjo është thellësisht personale.Ishte edhe për mua. Kam punuar në këto çështje për aq kohë sa kushdo.
Nga Kabuli në Kandahar. Unë kam folur me njerëzit. Jam takuar me udhëheqësit. Kam folur me trupat tona.
Unë vetë kam qenë në Afganistan kur lufta ishte ende aktive.
Jam i qartë se politikat diplomatike duhet të ndiqen, por jo dërgimi i trupave ushtarakë
I kemi bërë të qartë talebanëve se nëse sulmojnë operacionin tonë të tërheqjes, përgjigjja do të jetë e qartë dhe e shpejtë. Pasi të kemi tërhequr njerëzit, do t’i japim fund luftës 20-vjeçare.
Kam dal në konkluzionin se asnjë forcë e madhe ushtarake nuk do të krijojë stabilitet në Afganistan”, tha Biden.
Presidenti amerikan tha gjithashtu se qeveria afgane nuk arriti të marrë këshillën e tij dhe të negociojë një zgjidhje politike me talebanët.
“Zoti Ghani këmbënguli se forcat afgane do të luftonin. Por padyshim që ai kishte gabuar. Unë qëndroj plotësisht prapa vendimit tim,” thotë Biden.