Deputeti i zgjedhur i PD, Tritan Shehu, përmes një postimi në rrjetet sociale, ka bërë një krahasim të qëndrimeve të Kryeministrit Edi Rama lidhur me bisedimet sekrete, të raportuara nga Reuters, dhe debatit të viteve më parë mbi armët kimike.
Shehu shkruan se Rama ka mbajtur të njëjtin qëndrim nv të dy rastet, e njëjta sjellje, pa asnjë komunikim dhe njoftim nga Qeveria. Ndërsa shprehet se gjithmonë ka qenë në marrjen e përgjegjësive dhe detyrimeve nga Shqipëria ndaj aleatëve, Shehu shkruan se Rama nuk po tregon transparencë dhe kërkon ta menaxhojë procesin në fshehtësi, njëlloj sikundër bëri edhe me armët kimike.
“Kryeministri duhet të kuptojë se përsëritja e gabimit është më i rëndë se i pari, veçanërisht sot kur kjo cështje është me e komplikuar se ajo e “armëve kimike”! Sidoqoftë ai duhet që menjëherë të informojë zyrtarisht përse po diskutohet, cfarë ka ndodhur deri tashti, cfarë do të ndodhë në ditët në vazhdim, për numrin e njerëzve, afatet kohore, sigurinë ndaj tyre etj, ose ta mohojë”, shkruan Shehu.
Postimi nga Tritan Shehu
Prej ditesh flitet ne mediat me serioze per nje mareveshje per te sjelle ne Shqiperi afganas, mbas asaj tragjedie qe po ndodh ne ate vend! Nderkaq asnje njoftim, komunikim publik nga Qeveria! Thuhet se ky proces tashme eshte ne zhvillim, dhe mund te jete i verifikueshem…edhe afer Tiranes!?
Une kam qene e jam gjithmone ne anen e marjes se pergjegjesive e detyrimeve nga Shqiperia ndaj aleateve.
Ne fakt Shqiperia ka permbushur detyrimet e saj edhe ne Afganistan, pavaresisht se ai operacion po mbyllet per turpin e botes demokratike. Kete qendrim e kam shprehur publikisht edhe atehere, pro pranimit per shkaterrim te “armeve kimike”. Por ai operacion u komprometua ato dite jo sepse shqiptaret ishin kunder realizimit te detyrimeve. Ai deshtoi sepse Rama kerkoi ta menaxhoje ne fshehtesi, pa transparence…edhe ndaj Presidentit, Parlamentit, opozites, institucineve e publikut. Sepse ambicja e shtyu per ta perdorur si nje mjet okult per mbeshtetje personale, shkembimesh personale, gje qe krijoi nje reaksion te forte popullor.
Sot kemi nje “deja vu” te atij qendrimi anti institucional te kryeministrit, qe vecse komprometon cdo lloj inisiative.
Kryeministri duhet te kuptoje se perseritja e gabimit eshte me i rende se i pari, veçanerisht sot kur kjo ceshtje eshte me e komplikuar se ajo e “armeve kimike”! Sidoqofte ai duhet qe menjehere te informoje zyrtarisht per se po diskutohet, cfare ka ndodhur deri tashti, cfare do te ndodhe ne ditet ne vazhdim, per numrin e njerezve, afatet kohore, sigurine ndaj tyre etj, ose ta mohoje.
Kete po bejne dhe drejtuesit e shteteve te tjera demokratike, ky eshte nje detyrim moral, politik, ligjor edhe ne Shqiperi, qe Rama duhet ta permbushe. Ndryshe cdo gje kthehet kokeposhte…me keq se ndodhi me “armet kimike”.
