VIDEO/ United shpartallon Leeds, Fernandez e Pogba të pandalshëm

Bruno Fernandez dhe Paul Pogba kanë shkëlqyer në ndeshjen e parë në Premier League për sezonin e ri, ku Manchester United shpartalloi me rezultatin 5-1 Leeds United.

Mesfushori portugez ishte autor i tre golave, kurse francezi vetëm në njërin prej tyre nuk kishte “gisht”.

Pjesa e parë e takimit u mbyll 1-0 për “Djajtë e Kuq”. E dyta nisi me surprizën e Leeds. Luke Ayling befasoi me një goditje nga distanca dhe e çoi topin në rrjetë. Por festa e tyre zgjati pak.

LEXO EDHE  VIDEO/ Milan-Venecia, kuqezinjtë shënojnë golin e avantazhit

Paul Pogba dha një pasim për Greenwood dhe ky i fundit me një goditje diagonal riktheu epërsinë. Më pas e mori skenën sërish Bruno Fernandes, që për 6 minuta shënoi edhe dy gola të tjerë dhe i mbylli llogaritë.

United nuk ishte ngopur, pasi Pogba prodhoi një tjetër pasim goli dhe këtë herë ishte Fred ai që ndëshkoi skuadrën e Leeds.