Dy aksidente kanë ndodhur në Lezhë me pasojë plagosjen e dy qytetarëve.
Policia njoftoi se ka arrestuar drejtuesit e mjeteve, ndërsa të plagosurit ndodhen nën spital.
Një aksident ka ndodhur në Tale, ku mjeti i drejtuar nga një 21-vjeçar banues në Shenkoll, aksidentoi në rrugën e plazhit një 27-vjeçar, banues në Tiranë.
I lënduari ndodhet në spitalin e Traumës nën kujdesin e mjekëve.
Aksidenti tjetër ka ndodhur në aksin Milot-Thumanë, ku një automjet i drejtuar nga një 61-vjeçar përplasi shtetasin S.U., 58 vjeç, banues në Fushë Kuqe.
I lënduari ishte duke udhëtuar me motoçikletë në momentin e aksidentit.