Dy persona janë proceduar nga Policia e Gjirokastrës pasi dyshohet se kanë shkaktuar zjarre dhe kanë djegur toka në fshatin Radat të Dropullit dhe në Memaliaj.
Policia e Dropullit procedoi penalisht shtetasin V.O, banues në fshatin Radat të Dropullit, pasi gjatë punimeve me troho në bahçen e tij, shkaktoi zjarr.
Si pasojë e përhapjes së flakëve është djegur një sipërfaqe toke me bimësi në rrethinat e fshatit Radat.
Po ashtu, Policia e Memaliajt procedoi M. B., 51 vjeç, banues në fshatin Memaliaj, pasi duke djegur disa barëra në pronën e tij, zjarri i ka dalë jashtë kontrollit duke djegur një sipërfaqe toke.
