Teuta dhe Laçi mbyllën mbrëmjen e djeshme aventurën në Conference League.
Teuta, kampionia e Shqipërisë, u mund në Elbasan Arena nga Shamrock Rovers me rezultatin 0-2, ndërsa takimin e parë në Irlandë ishin mundur me rezultatin minimal 1-0.
Rory Gaffney realizoi dy golat për irlandezët, nga një për pjesë. Në të parin (20′) u shkëput bukur në krahun e majtë, dogji Aleksin në sprint dhe dërgoi topin pas shpinës së Frashërit, ndërsa te goli i dytë (62′) përfitoi nga pozicioni i gabuar i mbrojtjes durrsake dhe vulosi triumfin e Shamrock.
We progress to the next round 🔥#RoversinEurope pic.twitter.com/yNvQtUGIQM
— Shamrock Rovers FC ☘️ (@ShamrockRovers) August 12, 2021
Laçi humbi sërish përballë Anderlecht. Ekipi belg fitoi 0-3 sfidën e parë të luajtur në “Elbasan Arena” të enjten e kaluar, ndërsa ndeshjen e djeshme, të luajtur në “Lotto Park” të Brukselit, e mbylli me rezultatin 2-1.
Francis Amuzu zhbllokoi takimin në minutën e 32-të, duke kaluar ekipin e Kompany në avantazh. Anderlecht dyfishoi me anë të Yari Verschaeren (72′), i cili përfitoi nga një gafë në mbrojtjen kurbinase.
Golin e nderit për Teutën e realizoi Regi Lushkja (85′), i cili finalizoi një aksion me pasime.
