Policia Rrugore ka kryer gjatë mbrëmjes së të enjtes kontrolle me radar në autostradën Tiranë-Durrës-Tiranë.
Policia ka pezulluar 12 patenta me një afat nga 1 deri ne 4 muaj për shpejtësi që varionte nga 129 km/h deri në 152 km/h, por janë vendosur edhe 18 gjoba, që varionin nga 6.000 deri ne 12.000 lekë të reja për shpejtësi jo më shumë se 30 km/h mbi kufirin e lejuar, sipas policisë.
Njoftimi nga Policia
Për disa orë kontroll, u evidentuan shumë drejtues mjetesh që shpejtonin për të fituar vetëm disa minuta kohë më shumë, duke qarkulluar nga 40 deri në 60 km/h më shumë se shpejtesia e lejuar ku fluksi i mjeteve në rrugë ishte akoma shumë i lartë.
12 Leje Drejtimi të pezulluara nga 1 muaj deri ne 4 muaj për shpejtësi që varionte nga 129 km/h deri në 152 km/h dhe 18 masa administrative, që varionin nga 6.000 deri ne 12.000 lek te rinj për shpejtësi jo më shumë se 30 km/h mbi kufirin e lejuar.
Policia Rrugore e kryeqytetit apelon për të gjithë drejtuesit e automjeteve të tregojnë KUJDES maksimal‼
Rrugët në hyrje dhe dalje të Tiranës, në drejtim të Durrëst apo të Elbasanit dhe anasjelltas, si dhe nga Kamza në Bulevardin e Ri në Kashar, janë të monitoruara me radar në mënyrë permanente.
