Pesë persona u arrestuan nga Policia e Fierit në 24 orët e fundit për vepra të ndryshme penale. Në Fier u arrestuan për prodhim dhe shitje të narkotikëve shtetasit Manuel Mone dhe Jurgen (Yurgen) Gjika, ndërsa në Lushnjë u arrestua për vjedhje shtetasi Ergest Prenci.
“Specialistët për Hetimin e Narkotikëve në DVP Fier arrestuan në flagrancë shtetasit M. M., 25 vjeç dhe J. (Y). Gj., 24 vjeç, banues në Fier, pasi janë kapur nga shërbimet e Policisë në një lokal në fshatin Bishan, me doza kokainë dhe cannabis sativa.
Specialistët e Sektorit të Qarkullimit Rrugor në DVP Fier arrestuan në flagrancë shtetasit E. M., 36 vjeç dhe F. A., 55 vjeç, pasi u kapën nga shërbimet e Policisë duke drejtuar mjetet e tyre në gjendje të dehur.
Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin E. P., 32 vjeç, banues në Pirrë, Lushnjë, pasi dyshohet se ka vjedhur disa vegla pune në pronësi të shtetasit M. P.
Materialet i kaluan Prokurorisë, për veprime të mëtejshme procedurale”, njoftoi Policia.
