Babai i Britney Spears, Jamie Spears, ka pranuar të japë dorëheqjen nga kujdestaria e vajzës së tij. Këngëtarja ka qenë nën kujdestarinë e tij për 13 vjet.
Spears i ka kërkuar gjykatësit të heqë babanë e saj nga kujdestaria e saj madje duke i thënë gjykatës se ajo dëshiron të “ngrejë padi” kundër të atit për “abuzim me kujdestarinë”.
Ditën e djeshme, babai i Spears paraqiti në Gjykatën Supreme të Los Angeles përgjigjen e tij ndaj peticionit të këngëtares, duke njoftuar vendimin e tij për të dhënë dorëheqjen. Ai tha se do të bashkëpunonte me gjykatën për një tranzicion, por nuk dha një afat kohor për dorëheqjen e tij.
