Autoritetet shëndetësore në Greqi njoftuan për evidentimin e 3493 rasteve të reja me koronavirus. Referuar shifrave zyrtare, që nga fillimi i pandemisë numri i personave të infektuar është 531967, nga të cilët 51.2% janë meshkuj.
Bazuar në rastet e konfirmuara të 7 ditëve të fundit, 122 konsiderohen të kenë lidhje me udhëtimet nga jashtë dhe 2378 janë të lidhura me një rast tashmë të njohur.
Sipas të dhënave, në 24 orët e fundit kanë humbur jetën 24 qytetarë si pasojë e virusit. Numri i viktimave që nga fillimi i pandemisë ka shkuar në 13,182 vdekje.
Numri i pacientëve të trajtuar me intubim është 235 (63.4% meshkuj) dhe mosha mesatare e tyre është 64 vjeç.