Arratisja e dështuar e Fatmir Pjetrit dhe Arbër Çekaj, ka bërë që prokuroria të nisë hetimet për “Shpërdorim detyre” për gjashtë punonjës policie të burgut “313”.
Nga veprimet hetimore ka rezultuar se punonjësit e policisë Gëzim Rramushi, Sajmir Shahini, Bashkim Muça, Oldi Myzyri, Radion Maloku, Edmond Prenga, akuzohen për shpërdorim detyre, pasi ata nuk kanë ushtruar kontroll fizik, të mjeteve apo pajisjeve që i paraburgosuri Fatmir Pjetri kishte me vete. Konkretisht ai kishte çantën e kuqe, ku ndodhej litari dhe sendet e forta, atë të hekurit në itinerarin e ndjekur nga dhoma e tij deri në vendin që ka kërcyer nga taraca.
Mësohet gjithashtu se 3 të paraburgosur të tjerë janë vendosur nën hetim me dyshimet se kanë pasur dijeni për planin e arratisjes së Arbër Çekajt dhe Fatmir Pjetrit. Konkretisht, nën hetim nga Prokuroria për “Moskallëzim krimi”, janë Dritan Sinani, Elvis Fajzullahu dhe Bekim Bulica.
