Korçë, autobuzët protestojnë kundër Këshillit Bashkiak për tarifat e larta të Terminalit

Pas miratimit të Këshilllit Bashkiak Korçë mbi tarifat e shërbimit në Terminalin e Autobuzave sot nis edhe taksimi mbi tarifat e shërbimeve, raporton SYRI TV.

Në lidhje me pagesat e vendosura dhjetëra shoferë të autobusëve në Korçë protestuan pranë terminalit të autobusëve për çmimet e larta duke kërkuar nga bashkia rishikimin e tyre.

Shoferët shprehen se asnjëherë nuk janë dakortësuar me këtë vendim dhe gjatë mbledhjes së zhvilluar ka patur diskutime të shumta me tone të larta.

Pavaresisht jodakortësisë vendimi tashmë është shkruar e zeza mbi të bardhë dhe ata ndihen të abuzuar të plaçkitur dhe drejt falimentimit.

LEXO EDHE  Publikohen fotot/ Vajza e Donald Trump dhe presidenti i PSG-së kaluan pushimet në Shqipëri

Pavarsisht se janë taksapagues të rregullt ata shprehen se konkurenca jo e ndershme dhe tarifat e larta janë ato çka po shkatërron biznesin e tyre të ngritur prej vitesh.

Sipas shoferëve, çmimi i qëndrimit brenda në terminal ështe i lartë dhe 3 fish deri në 4fish më i lartë se tarifa që paguanin para hapjes së terminalit.

Janë dhjetra punonjës të shërbimit të transportit të cilët shprehen se në këto kushte janë duke shkuar drejt falimentimit dhe reduktimit të orareve.