Një infermiere në Gjermani dyshohet se u ka injektuar njerëzve ujë me kripë në vend të dozës së vaksinës anti-covid.
Autoritetet në Gjermaninë veriore apelojnë se mijëra njerëz duhet të marrin sërish dozën e vaksinës sepse pas një investigimi policor dyshohet se infermieja e Kryqit të Kuq mund t’iu ketë injektuar një substancë të kripur në vend të dozës anti-covid.
“Jam totalisht i shokuar,” është shprehur Sven Ambrosy, një këshilltar lokal, në Facebook.
Autoritetet lokale kanë lëshuar thirrjen se rreth 8,600 banorë mund të jenë prekur dhe duhet të rivaksinohen.
Mësohet se substanca e kripur është e padëmshme dhe iu është injektuar njërzve që u vaksinuan në Gjermani në muajt Mars dhe Prill, kryesisht personave të moshuar, mosha më vulnerabël për t’u prekur nga Covid.
“Motivi i infermieres nuk është ende i qartë, por ajo kishte publikuar në llogarinë e saj në Facebook pikëpamje skeptike në lidhje me vaksinat”, thanë hetuesit e policisë.
Nuk është ende e qartë nëse e dyshuara është arrestuar apo thjesht është e akuzuar për rastin. Sipas NDR provat i janë dorëzuar një njësie speciale që heton krimet e motivuara politikisht.
Burimi: The Guardian
DENONCO