Këngëtarja e njohur kosovare, Vera Oruçaj, ka treguar se për disa vite me radhë kishte marrë terapi kundër kancerit, dhe në fund, kishte rezultuar se ajo nuk ishte e prekur me këtë sëmundje.
Vera madje ka zbuluar se kishte kryer edhe një operim, por pas tre vitesh ka zbuluar se nuk ka qenë asnjëherë e prekur nga kanceri dhe mjekët e kanë diagnostifikuar gabim.
“Dy vjet kam pi hapa në bazë të kimioterapisë. Gabim.
Kur erdha mas tri viteve, më vjen në shpi një zarf i madh, ku shkruan: kërkojmë falje për operiminin, por ju jeni një grua e shëndoshë. Atëherë isha në shok. Më thanë që nuk kam pasë kurrë kancer”, rrëfen ajo.