Performimi i Goran Bregoviç në Shqipëri ka bërë që shumë qytetarë të thjeshtë por edhe artistë të reagojnë kundër ardhjes së tij. Kujtojmë se shumë janë personat që thonë se këngëtari serb kishte ngjallur nacionalizëm tek serbët me këngën “kallashnikov” në vitet 90, këngë e cila kishte nxitur paramilitarët serbë të kryejnë masakra në Kosovë, por edhe më gjerë.
Ndërkohë, ditën e sotme artistja Dafina Zeqiri e cila u ftua gjithashtu nga Bashkia e Korçës për të performuar në njërën nga netët në Festën e birrës, jo vetëm që anuloi pjesëmarrjen, por tani ka reaguar sërish kundër tyre. Përmes një komenti të bërë në rrjetin e saj social instagram, këngëtarja ka shkruar se ata kanë dëshpëruar popullin shqiptar dhe se lutet që Zoti t’ua kthejë qysh din më së miri me këtë veprim që kanë bërë.
“Ska fjalë me përshkru sa shumë na keni dëshpru gjithë popullin shqiptarë! “Fest Birra Korçë” Fest me muzikë serbisht e kështu doni me u kënaq ju? Bravo juve e ishalla ua kthen Zoti qysh e din ai më së miri”, ka shkruar Dafina.