Këngëtarja e njohur kosovare, Filloreta Raçi, e njohur ndryshe me emrin e artit, Fifi, duket se këto ditë vere nuk gjendet në një formë të mirë shëndetësore.
Përmes një postimi në rrjetin e saj social instagram, këngëtarja u ku ka bërë me dije ndjekësve të saj se ndodhet në spital dhe po trajtohet me oksigjenoterapi.
Në foton e shpërndarë prej saj shihet nga shtrati i spitalit me maskën e oksigjenit teksa shkruan “Kam nevojë të më kthehet zëri im, kam nevojë të frymoj”.
Duket se gjendja shëndetësore ka bërë që Fifi të mos jetë aktive me produksione muajt e fundit të verës.
Ndër projektet e saj muzikore më të fundit aktualisht mbeten bashkëpunimi me Brunon, “Fiksim”, dhe solo-kënga “Maniak i dhimbjes”.
Megjithatë, ajo nuk ka munguar nëpër koncerte, duke qenë aktive në mbrëmje muzikore të ndryshme gjatë netëve verore.
