Reperi Stresi i është bashkuar revoltës së artistëve shqiptarë kundër këngëtarit serb, Goran Bregovic, pasi ai është i ftuar të performojë në Festën e Birrës në Korçë me datë 22 Gusht.
Stresi shkruan se Shqipëria “nuk mund t’u hap plagë” shqiptarëve të Kosovës, duke ftuar në Korçë dikë si Bregoviq.
“Ju analistë shqiptarë, nënkryetarë dhe kryetarë lopcar, S’kemi nevojë as për artin e as për botën e Serbisë. Nuk e kemi përjetuar ne masakrën e Kosovës, nuk kemi humbur ne motrën, fëmijën, babën, vëllain apo kushërinjtë, nuk kemi qenë pjesë direkte e kësaj fatkeqësie, po ka qenë populli shqiptar i Kosovës, që i ka vuajtur këto masakra, ndaj e keni shumë të lehtë të flisni për serbin dhe ti pritni në konakun tuaj.
Se keni provuar t’ju vrasin nënën në sy tuaj apo beben duke ia ça barkun nënës??? A i keni provuar këto? Jo, pra s’dini se çfarë është të jesh pjesë e gjenocidit. Turp për shtetin tonë, turp për ju analistë k**** meshkuj blogera, gazetarë, marre t’ju vijë. Unë nuk bëj thirre për dhunë, kurrë më, por ju lutem, bojkotojeni atë koncert të m****, plzzzzzzzz”, shkroi Stresi.
