Eksperti i Mjedisit në Ministrinë e Mjedisit, Planifikimit Hapësinor dhe Infrastrukturës në Kosovë, Lulzim Baumann, në një intervistë në Syri Tv, duke folur për klimën, deklaroi se Shqipëria është e ndjeshme ndaj ndryshimeve të temperaturave.
Baumann thekson se duhet strategji kombëtare nga ana e Shqipërisë për t’ju përgjigjur situatës së zjarreve apo të ngjashme me të.
“Shqipëria është shumë e ndjeshme ndaj ndryshimeve klimatike, ndaj duhet të reagojë ndaj çdo ndryshimi. Duke qenë afër deteve, Shqipëria rrezikon shumë. Shqipëria duhet që të përgatitet për shuarjen e zjarreve. Shqipëria është vend bujqësor, klima ndikon shumë në bujqësi e ndaj duhet të dijë si t’ju përgjigjet ndryshimeve klimatike.
Shqipëria duhet ta ketë një strategji dhe vizion se ku do jetë pas shumë vitesh. Edhe erozioni do strategji kombëtare që të zgjidhet. Shqipëria është ndër shtetet më të shpyllëzuara në Europë. Ndotja e ajrit duhet zgjidhur, sepse kjo lidhet edhe me ushqimet, me shëndetin”, u shpreh Baumann.
