Balerini i njohur shqiptar, Kledi Kadiu u largua drejt Italisë. Ai ishte në mesin e mijëra shqiptarëve që vendosën që të largoheshin nga shtëpitë e tyre për një jetë më të mirë.
Kledi Kadiu është bërë nostalgjik dhe mbrëmjen e djeshme ka ndarë me ndjekësit në Instagram historinë e arratisjes së tij drejt Italisë.
“Ishte mëngjesi i datës 8 gusht 1991 kur zbarkova për herë të parë në Itali. Kanë kaluar 30 vite dhe kujtesa është akoma aq e gjallë për mua. Unë dhe 20,000 bashkatdhetarë të tjerë, sapo ia kishim besuar shpresat e një jete anijes së Vlorës dhe nuk e kishim idenë se kjo arratisje do të ndryshonte përgjithmonë historinë e dy kombeve. Shqipëri – Itali.
Kur hipa në atë anije, nuk dija se çfarë të prisja dhe sigurisht që kurrë nuk mund ta kisha imagjinuar. Por me kalimin e viteve kam kuptuar se ne mund të bëhemi ata që duam, por pa harruar kurrë origjinën tonë”, shkroi Kledi krahas imazhit.
View this post on Instagram
Kledi ka krijuar tashmë një familje të bukur me Charlote, e cila është 18 vite më e re se ai. Dyshja kanë një vajzë, që e kanë pagëzuar me emrin Lea dhe së shpejti do të bëhen edhe me djalë.
