Sot u raportua nga mediat se dy të burgosur tentuan arratisjen nga burgu 313 nëTiranë, duke shfrytëzuar orarin e ajrimit dhe me çarçafë tentuan të kalojnë në pjesën e administratës së institucionit.
Por të dy personat që vuajnë dënimin arritën të kapeshin nga rojet e sigurisë.
Por cilët ishin ata?
Mediat raportojnë se njëri është Fatmir Pjetri, ndërsa i dyti Arbër Çekaj. Ky i fundit është dënuar pak javë më parë me 14 vite burg nga Gjykata e Shkallës së Parë për trafikimin e 613 kilogramëve kokainë të fshehura në banane dhe Fatjon Pjetri ishte dënuar për disa grabitje si pjesë e bandës së babagjyshëve në vitin 2013.
Kush është Fatmir Pjetri
Fatmir Pjetri, i njohur ndryshe me nofkën “Babagjyshi” u ekstradua në shtator të vitit 2019 nga Amsterdami/Holandë drejt vendit tonë.
Ai ishte shpallur në kërkim ndërkombëtar pasi Gjykata e Shkallës së Parë për Krimet e Rënda Tiranë me vendimin penal të vitit 2018, e ka dënuar me 30 vjet burg për veprat penale “Vjedhja me armë e kryer në bashkëpunim”, “Grupi i strukturuar kriminal” dhe “Kryerja e veprave penale nga organizata kriminale dhe “Grupi i strukturuar kriminal”.
Përmbledhje e ngjarjeve të ndodhura:
Fatmir Pjetri ka qenë pjesë e një grupi kriminal (Babagjyshët) që gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit kanë grabitur me armë disa argjendari në këto qytete.
Disa nga episodet:
Në datë 28.09.2013 është vjedhur me armë argjendaria e shtetasit A. B., në Kuçovë;
Në datë 05.11.2013 është vjedhur me armë argjendaria e shtetasit S. R., në Laç;
Në datë 25.11.2013 është vjedhur me armë argjendaria e shtetasit P. B., në Fushë-Krujë;
Në datë 24.12.2013 është vjedhur me armë argjendaria në një qendër tregtare në Tiranë.
Si rezultat i bashkëpunimit të Interpol Tiranës me Interpol The Hague, u bë i mundur arrestimi i tij në Hollandë, duke u finalizuar me ekstradimin drejt vendit tonë.
DENONCO