Lojërat Olimpike kanë ulur sot siparin, por nga gara e sotme do të mbahet mend më tepër gjesti i turpshëm i francezit Morhad Amduni.
Gjatë gjithë cirkuitit kur atletët garojnë për të përshkuar distancën 42 kilometra, vendosen shishe me ujë që ata të shuajnë etjen e freskohen pa ndalur vrapin dhe sportistët shkojnë dhe rrëmbejnë një shishe të tillë nga tavolina pa u ndalur. Megjithatë, kur sot grupi i atletëve në mes të garës iu afrua një prej tavolinave, Amduni bëri një gjest të turpshëm, pasi me dorë rrëzoi të gjitha shishet që ishin vendosur në rresht, ndërsa mori të fundit vetë. Ata që vinin pas tij nuk mundën të merrnin ujë e të freskoheshin.
Kjo sjellje skandaloze e sportistit ka bërë që tifozët të kërkojnë përjashtmin e tij.
