Pavarësisht se prej ditësh luftojnë me flakët dhe vatrat e zjarrit, zjarrfikësit në Vlorë nuk janë paguar për orët shtesë të punës. Por kjo, sipas Kryebashkiakut Dritan Leli, ka ndodhur për shkak të kufizimeve ligjore.
Zjarrfikësit prej dy muajsh nuk kanë marrë orët shtesë të punës, gjë që është pohuar edhe nga Leli, i cili premton se një ditë këto pagesa do të jepen.
“Zjarrfikësit janë paguar të gjithë për orët e punës së zakonshme, dhe do paguhen për të gjitha orët shtesë që kanë ngelur pa paguar për arsye të kufizimeve ligjore që ka për pagesën e tyre.
Punonjësit e zjarrfikëses do paguhen për çdo orë punë”, tha Leli, pa përcaktuar një afat se kur në llogaritë bankare të zjarrfikësve do të kalojnë këto detyrime.
